Haradinaj uron Ditën e Republikës së Italisë: E falënderoj për gjithë atë që ka bërë për Kosovën

11:32 | 2 Qershor 2020
M. A.

Kryetari i AAK-së, Ramush Haradinaj, ka uruar Republikën e Italisë për festën e saj shtetërore, Ditën e Republikës,, duke i dëshiruar mirëqenie dhe prosperitet të vazhdueshëm.

Haradinaj, po ashtu, ka falënderuar Italinë për gjithë atë që ka bërë për shtetndërtimin e Kosovës dhe rolin e saj në integrimet evropiane.

“Në shënim të Ditës së Republikës së Italisë, uroj popullin dhe shtetin mik për festën kombëtare me dëshirat më të mira për mirëqenie dhe prosperitet të vazhdueshëm. Me këtë rast shpreh mirënjohje të thellë për gjithë mbështetjen e parezervë të Italisë në shtetndërtimin e vendit tonë, si dhe për rolin e kontributin e madh në proceset integruese të Kosovës drejt BE-së dhe NATO-s”, thuhet në urimin e Haradinajt.
“Urime Dita e Republikës, Itali”, ka shkruar ai në fund.