Kryeministri i Kosovës, Ramush Haradinaj gjatë Interpelancës për  informimin në  Kuvend mbi akuzat publike të shfaqura ndaj ministrit të Bujqësisë, Pylltarisë dhe Zhvillimit Rural, Nenad Rikalo,  ka ulur pranë vetës  pikërisht ministrin  në fjalë, i cili po akuzohet nga disa qytetarë të lagjes Dardania në Prishtinë për maltretime  gjatë luftës së fundit në Kosovë, raporton arbresh.info.

Rikalo, në sallën e Kuvendit të Kosovës është ulur krahë kryeministrit, duke zënë kështu vendin e zëvendëskryeministrit, i cili sipas rregullit të kuvendit do të duhej të ishte pranë Haradinajt.

Ndërkohë, Prokuroria Speciale e Kosovës ka hapur hetime ndaj ministrit Rikalo.

Kryeprokurori i Kosovës në një konferencë për media javën e kaluar ka treguar se ministri Rikalo shumë shpejt do të ftohet nga prokuroria nën cilësinë e të dyshuari. / Arbresh.info/