Kryetari i AAK-së, Ramush Haradinaj, ka takuar ambasadorin e ri të Mbretërisë së Bashkuar në Kosovë, Ruairi O’Connell, të cilin e ka njoftuar për sfidat e Kosovës.

Në një postim në rrjetin social në Facebook, Haradinaj ka shkruar se me ambasadorin e ri britanik ka diskutuar për pakënaqësinë me qeverisjen aktuale dhe defektet e saj.

“O’Connell e njoftova me sfidat me të cilat po përballet vendi ynë, pakënaqësinë me qeverisjen aktuale, defektet dhe mangësitë e saj, si dhe me mosgatishmërinë e këtij koalicioni qeverisës në luftimin e krimit të organizuar dhe korrupsionit, për mungesën e vullnetit të këtij koalicioni qeverisës për sundim të ligjit, shtet të së drejtës dhe për zhvillim ekonomik”, ka shkruar Haradinaj.

“Ambasadorit O’Connell, ia përcjella respektin e thellë për mbështetjen e vazhdueshme të Britanisë së Madhe, në të të gjitha rrethanat dhe proceset që kaloi vendi ynë, si partner dhe vend mik i Kosovës dhe popullit tonë.