Kryeministri i Kosovës,  Ramush Haradinaj ka takuar kryetaren e Komitetit të Helsinkut, Sonja Biserkon dhe zëvendësen e saj Izabela Kisić.
Haradinaj përmes një shkrimi në facebook ka treguar se në këtë takim kanë diskutuar rreth veprimeve që Qeveria e Kosovës ka ndërmarrë për promovimin dhe mbrojtjen e të drejtave kushtetuese dhe lirive civile të komunitetit serb, shkruan arbresh.info.

Postimi i plotë i Haradinajt:

Kënaqësi t’i prisja kryetaren e Komitetit të Helsinkit në Serbi, Sonja Biserko dhe zëvendësën e saj Izabela Kisić, me të cilat diskutuam hapur për veprimet që ka ndërmarr Qeveria e Kosovës për promovimin dhe mbrojtjen e të drejtave kushtetuese dhe lirive civile të komunitetit serb në vendin tonë. Kosova është model i mbrojtjes institucionale të të drejtave të komuniteteve dhe ka bërë progres të dukshëm në ndërtimin e një shoqërie multietnike. RH