Kryetari i Aleancës për Ardhmërinë e Kosovës, Ramush Haradinaj është takuar sot me drejtorin e lartë për Evropë Qendrore të Atlantic Council me seli ne Washington, Jörn Fleck.

Përmes një postimi në rrjetin social Facebook, Haradinaj ka thënë se në takim ka shprehur orientimin e natyrshëm euro-atlantik të Kosovës dhe synimin që të jetë pjesë e NATO-s, përcjell Arbresh.info.

“Shpreha vlerësimin tim për punën qe Atlantic Council e bën në funksion të agjendës integruese euro-atlantike. Theksova edhe njëherë orientimin tonë të natyrshëm euro-atlantik dhe synimin që të jemi pjesë e barabartë e aleancës së shteteve të NATO-s, udhëhequr nga ShBA-të”, ka shkruar Haradinaj.

“Alternativa jonë strategjike është anëtarësimi në NATO, si kontribut për sigurinë nacionale, paqen në rajon dhe përballimin e kërcënimeve dhe sfidave”, u shpreh në fund Haradinaj.