Sot bëhen 21 vjet që nga masakra e Lypeniqit.

E këtë masakër, si dhe 20-vjetorin e rënies së dëshmorët e Brigadës 162 “Agim Bajrami”, e ka kujtuar kryeministri Ramush Haradinaj.

Ai përmes një postimi në Facebook, ka thënë se përulen me nderimet më të larta para veprës së të rënëve.

Postimi i plotë i Haradinaj:

Shumë bijë të kësaj toke me gjak kanë shkruar faqet e lavdishme të historisë sonë. Kujtojmë me krenari, në 20-vjetorin e rënies, dëshmorët e Brigadës 162 “Agim Bajrami”, të cilët ranë për t’u përjetësuar në themelet e shtetit tonë të lirë. Po sot, kujtojmë 21-vjetorin e masakrës në Lybeniq, ku u ekzekutuan anëtarë të familjes Hamzaj, Alimehaj e Gogaj. Në luftën çlirimtare, vend lavdie zë bashkëluftëtari im, Heroi i Kosovës, Fadil Nimani, i cili përjetësisht do të kujtohet për atdhedashurinë dhe qëndresën e palëkundur. Përulemi me nderimet më të larta, para veprës së tyre kulmore, në shërbim të atdheut dhe kombit.