Kryeministri i Kosovës, Ramush Haradinaj, pas aksidentit të autobusit në Dedesh të Pejës ka bërë të ditur se 24 personat e lënduar për fat të mirë nuk janë në rrezik për jetën.

Haradinaj po ashtu ka thënë se me të kuptuar për rastin ka dërguar zëvendës ministrin e shëndetësisë Ali Berisha.

“Me të marrë vesh për rastin menjëherë kam dërguar zëvendësministrin e shëndetsisë z. Ali Berisha, i cili me informoi se janë 24 persona të lënduar që po marrin trajtim dhe për fat asnjë nga ta nuk janë në rrezik jete” , ka shkruar Haradinaj në Facebook.

Postimi i plotë:

Me vëmendje po i përcjellë të gjitha zhvillimet në Spitalin Rajonal të Pejës ku po trajtohen personat e lënduar pas aksidentit të autobusit në Dedesh të këtij qyteti.
Me të marrë vesh për rastin menjëherë kam dërguar zëvendësministrin e shëndetsisë z. Ali Berisha, i cili me informoi se janë 24 persona të lënduar që po marrin trajtim dhe për fat asnjë nga ta nuk janë në rrezik jete.
Falenderoj personelin e Spitalit Rajonal të Pejës për reagimin e shpejtë dhe profesional për tu dalë në ndihmë të aksidetuarve.
RH