Kryetari i Aleancës për Ardhmërinë e Kosovës (AAK), Ramush Haradinaj ka reaguar pas takimit me emisarin e Shteteve të Bashkuara të Amerikës, Gabriel Escobar.

Me anë të një postimi në Facebook, Haradinaj tha se ka kërkuar që  të ngritet niveli i marrëdhënieve biletarale Kosovë-ShBA, shkruan Arbresh.info.

Sipas tij, kjo vizitë vjen në një moment të rëndësishëm për Kosovën dhe rajonin.

“Ishte kënaqësi të takohemi sonte me emisarin amerikan z. Gabriel Escobar, Ndihmës Asistent i Sekretarit të Shtetit për Çështje të Evropës dhe Euroazisë.  Kjo vizitë po vjen në një moment të rëndësishëm për Kosovën dhe rajonin. Shfrytëzova rastin të falënderoj z. Escobar për angazhimin e tij përgjatë gjithë kohës në forcimin e marrëdhënieve të Kosovës me ShBA-të, njëkohësisht në angazhimin e tij në procesin e dialogut. “, ka shkruar Haradinaj.

“Kërkova të ngritet niveli i marrëdhënieve biletarale Kosovë-ShBA. Ka progres, por theksova se është shumë e nevojshme që agjenda e shtetit të Kosovës të shtyhet përpara me përgjegjësi të lartë shtetërore dhe institucionale drejt anëtarësimit në NATO si dhe qeveria të jetë në bashkëpunim të plotë me aleatin tonë strategjik dhe të përjetshëm, ShBA-të.”, shtoi ai./Arbresh.info/