Haradinaj pas arrestimit të Krasniqit: Dëshmia më e mirë se lidhjet e shkurtëra janë korrupsioni më i keq!

19:58 | 19 Prill 2023
E.H

Kryetari i Aleancës për Ardhmërinë e Kosovës, Ramush Haradinaj, ka reaguar pas arrestimit të kryeshefit të Korporatës Energjetike të Kosovës, Nagip Krasniqit.

Haradinaj përmes një postimi në rrjetin social Facebook, ka thënë se kjo është dëshmi që lidhjet e shkurtra, janë korrupsioni më i keq.

”Kjo çfarë po ndodhë në KEK, është dëshmia më e mirë se lidhjet e shkurtëra janë korrupsioni më i keq!”, ka shkruar kreu i AAK-së.

Kujtojmë se sot Policia e Kosovës ka bastisur zyrat e KEK-ut. Ndërsa me urdhër të Prokurorisë Speciale është arrestuar kryeshefi i KEK-ut i dyshuar për veprat penale “Keqpërdorimi i pozitës apo autoritetit zyrtar” , “Ushtrimi i ndikimit” dhe “Konflikti i interesit”./Arbresh.info/