Haradinaj: Nisma nuk e rrëzon qeverinë, kam respekt për Limajn

15:01 | 11 Korrik 2019
M. A.

Kryeministri i vendit, Ramush Haradinaj është deklaruar para mediave pas përfundimit të mbledhjes së Qeverisë së Kosovës.

Haradinaj është pyetur lidhur me raportimet e fundit për prishje të mundshme të raporteve me liderin e NISMA-s, Fatmir Limaj.

Haradinaj tha se marrëdhënia e AAK-së me Nismën daton ndër vite, pra që nga koha e VLAN-it.

“Që atëherë AAK dhe Nisma kanë ndërtuar marrëdhënie partneriteti dhe kësisoj së bashku kemi hyrë në koalicion me PDK-në. Këto marrëdhënie janë të mira edhe sot, në rase të caktuara ka debate në mes partive, por nuk paraqesin qëndrimin e partnerëve të koalicionit. Kam respekt për Limajn dhe bashkëpunimin tonë bashkë”, tha ai.

Ai tha gjithashtu se marrëdhëniet me Nismën nuk e rrezikojnë Qeverinë./Arbresh.info/