Haradinaj: Kosova duhet ta përmbushë kriterin e NATO-s për ngritjen e nivelit të buxhetit për mbrojtje në 4% të GDP

16:48 | 8 Shtator 2025
E.G

Kryetari i Aleancës për Ardhmërinë e Kosovës (AAK), Ramush Haradinaj, ka thënë se edhe Kosova duhet ta ketë kufirin minimal për mbrojtje 4% të GDP’së, kriter ky i vendosur nga NATO dhe ShBA’ja.

Në një postim në Facebook, ai ka thënë se Kosova edhe pse është në fazat fillestare të investimeve për mbrojtje, duhet ta përshpejtojë hapin në përmbushjen e këtij kriteri, shkruan Arbresh.info.

Sipas Haradinajt, projeksioni i Qeverisë në detyrë për katër vitet e ardhshme, është nën minimum.

“Projeksioni i Qeverisë në largim për katër vitet e ardhshme (2026-2029) prej 920 milionë eurosh për mbrojtje është 1,7% e GDP, që është shumë nën minimumin e domosdoshëm prej 4% të GDP e që është kriter i vendosur nga NATO e SHBA dhe natyrisht i domosdoshëm edhe për Kosovën që aspiron të jetë anëtare e NATO-s.”, ka shkruar Haradinaj./Arbresh.info