Kreu i AAK-së, Ramush Haradinaj, vizitoi familjen Dedushaj për t’u shprehur ngushëllime pas vdekjes së profesorit Isuf Dedushaj.

Haradinaj i dhuroi familjes Dedushaj medaljen “ME BESIM NË ZOT, ATDHE E SHTET”, post mortem, për kontributin e tij në çështjen kombëtare.

Në një postim në Facebook, Haradinaj theksoi se profesori la gjurmë të thella në fushën e dijes dhe shkencës, duke shtuar se ai do të mbahet mend për shumë kohë për humanizmin e tij.

“Në ngushëllime te familja Dedushaj, shprehëm pikëllimin tonë për shkuarjen e parakohshme në amshim të Profesor Isuf Dedushaj. Ai ka lënë gjurmë në sferën e dijes e shkencës dhe do të mbahet mend për shumë kohë për humanizmin e tij. Pata nderin që familjes Dedushaj, t’i japë medaljen “ME BESIM NË ZOT, ATDHE E SHTET”, post mortem, për kontributin e jashtëzakonshëm në çështjen kombëtare të Prof. Dr. Isuf Dedushaj”,shkroi Haradinaj./Arbresh.info