Kryeministri i Kosovës, Ramush Haradinaj takoi protestuesit familjarë, të të dënuarve nga Gjykata Penale e Maqedonisë , të cilëve u premtoj se Qeveria e Kosovës do të bëj aq sa është në dorën e saj për këtë çështje, raporton Arbresh.info

Ai u shprehu  keqardhje familjarëve të të dënuarve dhe tha se  është i  habitur  me atë që ka ndodhur.

Sipas tij, mënyra  e vetme me ndryshu këtë gjendje është mi kërku ndihmë ndërkombëtarëve.

“Sipas meje mënyra më e mirë për ta ndërruar këtë gjendje, është me kërkua ndihmë nga ndërkombëtarët . Nuk i di procedurat si duhet shkuar, por jemi të interesuar  me gjet një mënyrë që me ndërhy palët ndërkombëtare, me hetu, gjyqtarë, analistë”, u shpreh kryeministri Haradinaj para protestuesve.

Haradinaj, tha se beson që shpejt do të japin ndonjë rezultat në këtë drejtim.

Ai tha se nuk ka asnjë informatë, as prej AKI-së, as prej prokurorisë vendore rreth kësaj ngjarje.

Vendimin e Gjykatës Penale të Maqedonisë, kryeministri Haradinaj e ka quajtur shokues .

Nuk është lajm i mirë ky, por nuk është fundi i botës se ata gjallë janë, dhe nuk dihet. Aq sa kemi kapacitet, aq e kemi mundësinë.”, u shpreh Haradinaj

Kryeministri u sugjeroj familjarëve që nga një anëtar i familjeve të të dënuarve t’a vizitojnë atë të hënën.

“ Kur t’a vlerësoni ju, unë mund të ju pres në zyre, mundemi me fol më konkretisht për këtë çështje . Mund të takohemi  ose sot ose nesër me delegacionin e familjeve  të të  dënuarve në Maqedoni. Por më mirë është t’a lëmë të hënën dhe do të flasim çfarë mund të bëjmë”, tha Haradinaj/Arbresh.info