Haradinaj bën homazhe në Prekaz: Ta mbrojmë këtë liri që u fitua me gjakun e më të mirëve të kombit

11:46 | 17 Shkurt 2025
E.G

Kryetari i Aleancës për Ardmhmërinë e Kosovës (AAK), Ramush Haradinaj ka bërë homazhe në Prekaz për nder të 17-vjetorit të Pavarësisë së Kosovës.

Në një postim në Facebook, ai u shpreh se kur Kosova po shënon ditëlindjen e shtatëmbëdhjetë të shtetësisë, u përkulëm me nderim të thellë në Prekaz, para varrezave të Komandantit Legjendar Adem Jashari dhe familjes heroike, shkruan Arbresh.info.

“Kjo ditë na kujton përpjekjet për liri të brezave, bashkëluftëtarët e rënë, e na përkujton se edhe ëndrrat më të mëdha bëhen realitet kur je i vendosur dhe në të drejtën e Zotit. Ta mbrojmë e forcojmë këtë liri që u fitua me gjakun e më të mirëve të kombit. Lavdi e përjetshme të rënëve për liri! Gëzuar dita e Pavarësisë”, tha Haradinaj./Arbresh.info/