Kandidati për kryeministër nga AAK, Ramush Haradinaj ka mbajtur sot një tubim me qytetarët në Rahovec.

Me anë të një postimi në Facebook, Haradinaj bëri të ditur se u ka premtuar qytetarëve atje zgjerimin e rrugës Rahovec-Malishevë dhe ndërtimin e impiantit të ujërave të zeza dhe rregullimi i shtratit të Drinit të Bardhë, përcjell Arbresh.info.

Sipas tij, këto projekte do të realizohen në fillim të mandatit.

Postimi i plotë:

Bashkë me qytetarët e Rahovecit vendosëm për zhvillimin e hovshëm të vendit.

Zgjerimi i rrugës Rahovec-Malishevë, ndërtimi i impiantit të ujërave të zeza dhe rregullimi i shtratit të Drinit të Bardhë janë disa nga projektet që do nisin në fillim të mandatit.

Me Ligjin e veçantë për bujqësi, Rahoveci shndërrohet në zonë strategjike.

Plotësim-ndryshimi i Ligjit për Komasacion dhe ndërtimi i Liqenit Akumulues në Zhdrellë do të revolucionarizojnë bujqësinë.

Zgjerimi i sistemit të ujitjes nga Liqeni i Dukagjinit do t’i japë energji të re prodhimit vendor.

Kemi planifikuar trefishimin e subvencioneve për bujqësi.

Grante pa kthim për bizneset e reja të të rinjve.

Pagat mesatare do e kalojnë shumën prej 1000 euro e pensionet do të jenë 500 euro, përfshirë këtu edhe pensionet e Veteranëve.

Duke e rritur prodhimin vendor të energjisë, do të sigurojmë energji elektrike pa ndërprerje dhe me çmim 20% më të ulët.

Çdo punëkërkues do të ketë mbështetje financiare deri në punësim, e çdo student do të ketë bursë.

Me anëtarësimin direkt në NATO dhe aleancën e përhershme me Amerikën, Kosova hyn në një epokë të re të zhvillimit dhe prosperitetit./Arbresh.info