Ad Banner
Ad Banner
Ad Banner
Ad Banner

Hapet panairi me punime artizanale e veshje kombëtare për diasporën

13:47 | 24 Korrik 2019
M. A.

Është hapur sot panairi me punime artizanale, veshje kombëtare dhe ushqime tradicionale në kuadër të “Ditëve të diasporës”, përmes të cilit synohet të mbahet gjallë kultura shqiptare.

Zëvendësministri i Diasporës, Isni Kilaj, u shpreh i lumtur me hapjen e këtij panairi, teksa bëri të ditur se kjo ministri për dy muaj rresht do të organizojë aktivitete të ndryshme në tërë vendin.

Ai bëri të ditur se në kuadër të Ditëve të Diasporës, më 6 gusht në sheshin “Skënderbeu” do të organizohet edhe Sofra e Diasporës.

Kilaj ftoi mërgimtarët që të blejnë produktet e pjesëmarrësve në panair, si kontribut dhe mbështetje ndaj tyre.

Ndryshe, ky panair do të qëndrojë i hapur në sheshin “Skënderbeu” në Prishtinë deri më 27 korrik.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm