Kryetari i Lidhjes Demokratike të Kosovës (LDK), Lumir Abdixhiku, në fjalimin hapës në Kuvendin e partisë, ka thënë se këtë Kuvend e ka mbledhur vetë, pa pritur që të krijohen zhurma apo të jepen ultimatume.

Ai ka theksuar se rezultati i zgjedhjeve nuk është vetëm një rezultat politik, por pasqyrë e përpjekjeve, mundit dhe sakrificës së shumë njerëzve, të cilët pesë vitet e fundit e panë LDK-në të shembet para syve.

“Jemi mbledhur këtu në këtë Kuvend sepse kështu e kërkon përgjegjësia, kështu e kërkon LDK. Ky Kuvend nuk më është mbledhur, e kam thirrur dhe mbledhur vet, nuk kam pritur të bëhet zhurma dhe as të jepen ultimatume që u bën gjithsesi.

“Akti i parë i këtij obligimi moral është ballafaqimi, me rezultatet, me pritjet, me anëtarësinë, me vetveten, mbi të gjitha mbi të ardhmen tonë”.

“Më lejoni t’i heq të gjitha dyshimet, dhe të them po, se përgjegjësia është e imja. Dhe se po, vendimmarrja do t’u kthehet juve. Nuk lejoj askush tjetër të vendos për fatin e LDK-së, përveç Kuvendit”, tha ai.