Me moton 30 kilometra në orë, është bërë hapja e fushatës “Java Globale e Sigurisë Rrugore”.

Më këtë raste, zv.ministri i Ministrisë së Mjedisit, Planifikimit Hapësinor dh Infrastrukturës, Hysen Durmishi, tha që secili prej nesh jemi përgjegjës për sigurinë në rrugë, raporton arbresh.info

” Aksidente rrugore janë shkaku kryesor i tragjedive të mëdha. Çdo vit më shumë se 1.3 milion njerëz në mbarë boten vdesin ne aksidente. Ne do të angazhohemi për sigurinë rrugore. Secili prej nesh jemi përgjegjës për sigurinë tone”, tha Durmishi.

E Gazmend Hoxha nga Policia e Kosovës, ndonëse bëri të ditur se Kosova është një nga vendet më numër më të ultë të vdekshmërisë nga aksidentet, ai kërkoj që rregullat në trafik të respektohen.

” Policia e Kosovës do të përkrah këtë aktivitet. Respektimi i rregulla në trafik duhet të respektojnë të gjithë. Kosova krahasuar më vendet e Ballkanit Perëndimor ka ulje më të vogël të aksidenteve më fatalitet. Shenja prej 30 km, n, është që automjetet të mos e kalojnë këtë shpejtësi në veçanti në vendet rurale”, tha Hoxha.

Në kuadër të kësaj fushate gjatë tërë javës do të ketë aktivitete të ndryshme për sensibilizimin e ngasësve të automjeteve./arbresh.info/