Haliti: Shqetësuese mungesa e informacionit mbi kërcënimin e presidentes Osmani

12:34 | 19 Tetor 2023
E.K

Deputeti i Partisë Demokratike të Kosovës, Xhavit Haliti ka thënë se është shqetësuese mungesa e informacionit të mjaftueshëm në lidhje me kërcënimin e presidentes së Kosovës, Vjosa Osmani.

Për këtë Haliti, ka kërkuar nga Ministri i Brendshëm, Xhelal Sveçla, që të deklarojë para deputetëve se kush e ka kërcënuar presidenten e vendit.

“Ministri i Brendshëm i Kosovës duhet të na informojnë se kush e ka kërcënuar presidenten e Kosovës. A është arrestuar kush për atë kërcënimin që i është bërë me lidhje apo me vrasje presidentes? Shqetësimi më i madh, sot për sot, është ky, që ne ta dimë kush e ka kërcënuar presidenten e Kosovës dhe a ka marrë masa Policia e Kosovës se çfarë kërcënimi bëhet fjalë”./Arbresh.info