Zëdhënësja e Lidhjes Demokratike të Kosovës, Sibel Halimi, i ka reaguar kryeministrit të vendit, Albin Kurti, në lidhje me vlerën e koeficientit të pagave.

Sipas Halimit, logjika ekonomike e qeverisë është “koeficient demagogjije, propgandae e barktisje”.

Pak minuta më herët kryeministri Kurti, përmes një shkrimi në Facebook, e cilësoi koeficientin e ri si barazi dhe të ndershëm.

E për këtë Halimi ka shkruar se kjo është logjika ekonomike e kësaj qeverie.

“Barazi” dhe “ndershmëri” paska shkruar kryeministri i vendit lidhur me koeficientin e pagës. Kjo është logjika ekonomike e kësaj qeverie; Koeficient demagogjie, propagande, braktisje të problemeve me të cilat ballafaqohen qytetarët tanë e dërrmim i karrierave profesionale”, ka thënë Halimi,

Kujtojmë se sot është bërë publik vlera e koeficientit, i cili ishte 105, ndërsa kjo ngjalli pakënaqësi tek partitë opozitare.

Në seancën e sotme, PDK, LDK e AAK e lëshuan sallën në shenjë pakënaqësie për vlerën e koeficientit.

Kurse edhe seanca e sotme e Kuvendit u mbyll.

Kjo për shkak të mungesës së kuorumit të deputetëve për vazhdimin e kësaj seance, e cila ishte paraparë që të trajtonte pikat e papërfunduara të seancave të mbetura nga viti i kaluar,/arbresh.info/

lexo edhe:

Koeficienti i ri i pagave, Kurti: Me sistem të ri të pagave e vlera të reja