Zëvendëskryeministri i parë i Maqedonisë së Veriut, Artan Grubi, komentoi edhe zgjedhjet e brendshme partiake brenda LSDM-së, ku kryetar u zgjodh, Dimitar Kovaçeski. Grubi tha se Zaev këtë vit do ta mbyll si kryeministër, duke shtuar se pas janarit do të shihet se si do të zhvillohen negociatat me Bullgarinë dhe realizimin e marrëveshjes së re për Qeverinë.
Grubi tha bindshëm se kryeministri shqiptar do të bëhet edhe pa Zoran Zaevin në krye të Qeverisë, pasi që siç shtoi është marrëveshje e koalicionit dhe do të vazhdoj të jetë marrëveshje e koalicionit edhe me liderin e ri.

Kujtojmë që Bashkimi Demokratik për Integrim në zgjedhjet e fundit parlamentare (të vitit 2020) shpalosi idenë për kryeministër shqiptar, me çka pas përfundimit të zgjedhjeve me mandatarin për formimin e Qeverisë (Zoran Zaevin nga LSDM-ja) u dakordësuan që në 100 ditëshin e fundit të mandatit të Qeverisë, kryeministri të jetë shqiptar./TV21