Për herë të parë në 15 vjet, shumica e qytetarëve grekë thonë se janë bërë pishman që janë future në eurozonë dhe duan kthimin e monedhës dhrahmi.

Sipas një sondazhi të kryer nga ALCO, 53% e grekëve besojnë se vendimi për tu bashkuar me monedhën e përbashkët të BE-së ishte vendim i gabuar, transmeton arbresh.info.

Pothuajse gjysma e qytetarëve grekë thonë se janë të shqetësuar mbi të ardhmen e bllokut. Vetëm 40% besojnë se bashkimi i vendeve të bllokut mund të ruajë Greqinë nga kolapsi.

Kostas Panagopulos, kreu i kompanisë Alco, ka thënë se kriza e vazhdueshme financiare ka bërë që grekët të humbasin besimin në BE.

“Kjo është hera e parë që në Greqi ka një rritje të mosbesueshmërisë nga BE-së”, ka thënë ai.

Euroskepticizmi mbetet veçanërisht i lartë në moshat nga 15 deri në 24 vjeç, moshë e cila është më e prekur nga papunësia në Greqi.

Shumica e grekëve ndjehen të zhgënjyer edhe me fluksin e madh të emigrantëve në vend./Arbresh.info