I dërguari presidencial për misione speciale në mbarë botën, Richard Grenell, ka rikujtuar sërish faktin se ishte pikërisht Jack Smith ai që e arrestoi ish-presidentin Hashim Thaçi.

Grenell në një postim në rrjetin social “X”, ka shkruar se Smith e arrestoi Thaçin në kohën kur presidenti Donald Trump po punonte për arritjen e një marrëveshje Kosovë-Serbi.

Grenell tutje shkruan se është e turpshme që Thaçi ende ndodhet në burg.

“Richard Grenell Jack Smith (po, ai) e arrestoi Thaçin në vitin 2020, kur Donald Trump ishte duke punuar për marrëveshjen Kosovë-Serbi. Është aq turpëruese që ai ende është në burg. Është një mashtrim. Haga është e prishur”.

Thaçi ishte arrestuar pak kohë para nënshkrimit të marrëveshjes për normalizimin ekonomik mes Kosovës dhe Serbisë në Shtëpinë e Bardhë, në shtator të vitit 2020./Reporteri./