Një veturë e parkuar në pronë private është goditur nga një automjet tjetër, drejtuesit e të cilit janë larguar nga vendi i ngjarjes pa dhënë asnjë informacion apo kontakt.

Lidhur me këtë rast, Policia e Kosovës në rajonin e Gjilanit ka dhënë detaje për mediumin Arbresh.info.

Zëdhënësi i Policisë për rajonin e Gjilanit, Ismet Hashani, ka bërë me dije se njësitet policore kanë dalë menjëherë në vendin e ngjarjes dhe nga hetimet e para është konstatuar se janë shkaktuar dëme materiale në veturë dhe në fasadën e shtëpisë së pronarit.

Ai shtoi se njësitet hetuese janë duke vazhduar punën për identifikimin dhe kapjen e të dyshuarit të përfshirë në këtë rast.

“Ju njoftojmë se sot me datën 24.07.2025 rreth ores 01:20 policia e Kosovës në Gjilan e ka pranuar një informatë nga një qytetar se vetura e tij e parkuar ishte goditur nga një veturë për momentin e pa njohur e cila ishte larguar nga vendi i ngjarjes. Njësitet policore kanë dalë në vendin e ngjarjes dhe nga hetimet e para mësohet se janë shkaktuar dëme materiale në veturë dhe në fasadën e shtëpisë së ankuesit. Njësitet hetuese janë duke hetuar për gjetjen e të dyshimtit të involvuar në këtë rast”, tha ai./Arbresh.info

LEXO EDHE:

Aksident në Gjilan, goditet një veturë e parkuar – drejtuesit e mjetit largohen nga vendi i ngjarjes