Gjyshi në Vushtrri tentoi me forcë ta marr në përkujdesje mbesën, arrestohet nga policia

09:34 | 28 Qershor 2025
Q L

Është arrestuar një burrë pasi me forcë ka tentuar ta merrte vajzën e djalit të tij për t’u kujdesur për të. Në Polici është raportuar se nëna e fëmijës nuk donte ta lejonte këtë.

Gjatë kontrollit në shtëpinë e të dyshuarit në Vushtrri janë gjetur një pistoletë dhe një pushkë ajrore.

“Është arrestuar i dyshuari mashkull kosovar nën dyshimin se i dyshuari-vjehrri ka tentuar që me forcë të marrë vajzën e djalit-mbesën për t’u përkujdesur përkundër dëshirës së viktimës nënës së fëmijës. Po ashtu gjatë kontrollit-bastisjes në shtëpinë e të dyshuarit janë gjetur dhe konfiskuar edhe një pistoletë dhe një pushkë ajrore. Me vendim të prokurorit, i dyshuari pas intervistimit është dërguar në mbajtje”, thuhet në raportin e PK-së