Qeveria e Gjermanisë i ka dhënë Forcës së Sigurisë së Kosovës donacion prej 50 mijë euro për mirëmbajtjen e automjeteve të FSK-së.

Ceremonia e pranim-dorëzimit të donacionit Gjerman u bë në Brigadën e Mbështetjes Operacionale (BMO) të  kazermës “Adem  Jashari” në Prishtinë, shkruan arbresh.info.

Të pranishëm në ceremony ishin drejtori i Drejtorisë për Operacione në Ministrinë për Forcën e Sigurisë së Kosovës(MFSK), gjeneral brigade Zymer Halimi,  zëvendës ambasadorja e Gjermanisë në Kosovë, Chrisitna Gehlsen, koloneli Gjerman Michael Gierse, shefi i Shtabit të Komandës së Forcave Tokësore (KFT), kolonel Naim Haziri si dhe eprorë të  FSK-së.

Me rastin e pranim-dorëzimit të këtij donacioni, gjenerali Zymer Halimi, në emër të FSK-së ka falënderuar zëvendës ambasadoren Gehlsen për mbështetjen dhe ndihmat e vazhdueshme që Qeveria e Gjermanisë po jep për FSK-në, shkruan arbresh.info.

“Të gjitha këto pajisje më se të nevojshme për ne, të dhuruara sot nga shteti Gjerman, do  t’i fusim në përdorim. ”

Chrisitna  Gehlsen tha se këto vegla do ju mundësojnë që automjetet të jenë sa më funksionale.

Dhurimi i këtij donacioni të sotëm dhe donacioneve të mëhershme për Forcën e Sigurisë së Kosovës është rezultat i një bashkëpunimi mjaft të mirë në mes të dy shteteve./arbresh.info/