Për dallim nga viti 2018, ku në nivel vendi kanë qenë të raportuara 830 raste të zjarrit, vetëm në tre muajt e parë të këtij viti, janë 4 mijë e 700 raste.

Po digjen më shumë se 20 hektarë në malet e Qerretit.

Në këtë zonë, ekipet e zjarrfikësve të Gjakovës, nuk kanë mundësinë që të intervenojnë, raporton KTV.

Sipas komandantit të Brigadës së Zjarrfikësve në këtë komunë, kjo pjesë është e minuar dhe zgjidhja e vetme do të ishte ndërhyrja e helikopterit.

Zjarret, sipas Gashit, po shkaktohen nga njerëzit.

Latif Zeka, komandant i Zjarrfikësve në Prishtinë, ka thënë se vetëm për 3 muaj, janë 656 raste të zjarrit në kryeqytet.

Por, në Agjencinë e Menaxhimit të Emergjencave, po e vlerësojnë alarmante situatën, sa i përket zjarrvënies.

Zjarre të shumta janë shkaktuar në gjithë vendin së fundmi, në kohën kur qytetarët djegin qëllimshëm tokat e tyre bujqësore, por shkaku i erërave, zjarri po përhapet me lehtësi në hapësira të mëdha.