Në rrugën “Hasan Prishtina” në Obiliq është gjetur një person pa shenja jete.

Policia dhe ekipi mjekësor menjëherë kanë dalë në vendin e ngjarjes, ku nga ekipi mjekësor është konstatuar vdekja e personit mashkull 45 vjeç.

Sipas burimeve të Arbresh.info, rasti dyshohet të jetë vetvrasje.

Ndërsa lajmi për gjetjen e një personi pa shenja jete, e ka konfirmuar por portalin Arbresh.info, zëdhënësja e policisë së Kosovë për Rajonin e Prishtinës, Flora Ahmeti.

“Rreth orës 09:00, kemi pranuar informatën për një person pa shenja jete në një objekt në rrugën “Hasan Prishtina” në Obiliq. Policia dhe ekipi mjekësor menjëherë kanë dalë në vendin e ngjarjes, ku nga ekipi mjekësor është konstatuar vdekja e personit mashkull 45 vjeç. Aktualisht policia me kujdes të shtuar ka nisur hetimin e rastit si vdekje e dyshimtë dhe po ndërmerr të gjitha veprimet e duhura hetimore dhe ato forenzike – të ekzaminimit, që do të ndihmonin hetimin e ngjarjes si dhe sqarimin dhe ndriçimin e plotë të rastit.” – ka thënë Ahmeti. /Arbresh.info/