Policia e Kosovës ka njoftuar se është gjetur në gjendje të mirë shëndetësore Xhengiz (Aliriza) Hyzeiri, i lindur më 15 korrik 2008, i cili ishte raportuar më herët si person i humbur në qytetin e Gjilanit.

Policia kërkon ndihmën e qytetarëve për gjetjen e 17-vjeçarit të zhdukur në Gjilan

Sipas njoftimit zyrtar, falë veprimeve operative të njësive relevante të Policisë së Kosovës, si dhe bashkëpunimit me qytetarët dhe mediat, i mituri është lokalizuar me sukses.

Ai aktualisht ndodhet në ambientet e Policisë së Kosovës, ku po zhvillohen procedurat e nevojshme ligjore, në përputhje me legjislacionin në fuqi.

Drejtoria Rajonale e Policisë në Gjilan ka falënderuar mediat dhe qytetarët për bashkëpunimin, informacionet e ofruara dhe përkrahjen e treguar gjatë procesit të kërkimit, duke vlerësuar lart kontributin e tyre në zbardhjen e këtij rasti.