Policia e Kosovës ka gjetur dhe sekuestruar armët e përdorura në vrasjen e së martës në rrugën “Rrustem Hyseni”.

Siç njofton policia, është gjetur një armë zjarri e tipit TT dhe një armë zjarri COLT.

Tutje thuhet se armët kanë qenë të fshehura në magjistralen Prishtinë-Mutivodë.

Policia thotë se po punon intensivisht në hetimin dhe ndriçimin e rastit si dhe arrestimin e të dyshuarve.

“Rr. “Bajram Kelmendi-Rrustem Hyseni”, Prishtinë / 25.03.2025 – 22:25. Lidhur me rastin e datës së lartcekur Policia e Kosovës ka siguruar informacione se armët e përdorura në kryerjen e veprës penale të lartcekur gjenden të fshehura në magjistralen Prishtinë – Mutivodë. Lidhur me rastin në lokacion kanë dalë njësitë përkatëse policore dhe në konsultim me prokurorin e rastit kanë bërë sekuestrimin e tri armëve të zjarrit: një armë zjarri AK 47, një armë zjarri e tipit TT dhe një armë zjarri COLT. Policia e Kosovës po vazhdon të punojë intensivisht në hetimin dhe ndriçimin e plotë të rastit, si dhe sjelljen para organeve të drejtësisë së personave të dyshuar”, thuhet në raport./Arbresh.info/

LEXO EDHE:

Ky është personi që dyshohet se mbeti i plagosur sonte në Prishtinë

Krejt çka dihet për vrasjen që tronditi mbrëmë Prishtinën