Donat Syla është emëruar Konsull i Përgjithshëm në Konsullatën e Republikës së Kosovës në Kanada, me vendim të presidentit Hashim Thaçi, që është marrë me datën 8 mars të vitit 2018.

Menjëherë pas këtij vendimi, të cilin e ka siguruar Periskopi, presidenti Thaçi ka obliguar Ministrinë e Punëve të Jashtme që të ndërmarrë menjëherë masat e nevojshme për të zbatuar Dekretin e lëshuar nga presidenca.

Donat Syla ka qenë edhe profesor në Fakultetin e Filologjisë-Dega e Gazetarisë, dhe në Radio Televizionin Publik të Kosovës(RTK) ka qenë autor i emisionit ‘Target’.

Hapja e Konsullatës se Kosovës ne Toronto pason pas vizitës se një delegacioni te rëndësishëm të Kosovës qe drejtohej nga zv.Kryeministri Dardan Gashi në Kanada.

Në Toronto është e koncentruar diaspora me e madhe e shqiptarëve në Kanada.