Kryetari i komunës së Obiliqit, Xhafer Gashi përmes një postimi në llogarinë e tij në Facebook ka falenderuar qytetarët për respektimin e vendimeve dhe rekomandimeve të Ministrisë së Shëndetësisë.

Ai ka uruar një fundjavë të mbarë, ka shprehur mirënjohje dhe falenderoi të gjithë qytetarët e Obliqit, të cilët po e respektojnë kufizimin e lëvizjes sipas vendimeve dhe udhëzimeve të Ministrisë së Shendetësisë, transmeton arbresh.info

Postimi i tij i plotë:

Bashkëqytetarë të nderuar,

Kjo pamje e qetë dhe stabile e qytetit të Obiliqit, është tregues i vetëdijes së lartë qytetare nga ana e juaj, e kuptoj se situata në të cilën ndodhemi është e panjohur më parë, por ju siguroj se të gjithë antarët e shtabit emergjent,po bëjmë përpjekje maksimale në menaxhimin dhe parandalimin e këtij armiku të padukshëm.

Duke ju uruar fundjavë të mbarë, shprehi mirënjohjen dhe falenderimin tim për të gjithë qytetarët e Obiliqit, të cilët po respektojnë kufizimin e lëvizjes sipas vendimeve dhe udhëzimeve të MSH-së.
Ju bëjë thirrje të sinqertë që të vazhdoni të qëndroni në shtëpi duke ju kërkuar që edhe në intervalet e lejuara kohore të dilni nga shtëpitë vetëm për qëllime të arsyeshme.