Udhëheqësit po hyjnë në ditën e fundit të bisedimeve në takimin e G20 në Hamburg, pasi zyrtarët përpiqen të kapërcejnë hendekun me SHBA për çështje të tilla si tregtia dhe ndryshimet klimatike.

Kancelarja gjermane Angela Merkel, e cila po pret samitin në Hamburg, tha se bisedimet deri më tani kanë qenë “shumë të vështira”, raporton BBC.

Negociatorët punuan gjatë natës në përpjekje për të arritur një kompromis mbi formulimin e deklaratës përfundimtare të samitit, transmeton arbresh.info.

Ajo vjen pas një nate të dytë të protestave të dhunshme në rrugët e Hamburgut.

G20 (Grupi i Njëzetësh) është një samit për 19 vende, të zhvilluara dhe zhvilluara, plus BE.

Udhëheqësit në samitin po përpiqen të gjejnë një bazë të përbashkët me SHBA pas vendimit të Presidentit Donald Trump për t’u tërhequr nga marrëveshja e klimës së Parisit muajin e kaluar.

Një çështje tjetër është refuzimi i  Trump për tregtinë e lirë – edhe pse presidenti ka thënë se nuk është kundër tregtisë në parim, pozicioni i tij është se çdo marrëveshje tregtare e rënë dakord duhet të mbrojë industrinë amerikane.

Zonja Merkel tha: “Diskutimet janë shumë të vështira, nuk dua të flas rreth kësaj.”

Ajo shtoi se shpresonte që ndryshimet me SHBA nuk do të ndikonin në angazhimet e bëra nga vende të tjera./arbresh.info/