Ambasadorja e Kosovës në Shtetet e Bashkuara të Amerikës, Vlora Çitaku i ka dal në mbrojtje  aktivistes për të drejtat e njeriu, Natasha Kandiq, pasi kësaj të fundit, i vendosen afishe fyese në rrugët e Beogradit.

“Natasa Kandic, ka qenë sikur një ishull i pastër, edhe në momentet më të zeza të historisë së kohëve të fundit. Ajo është e guximshme dhe ajo nuk do mund të ngacmohet. Unë besoj që fuqia e saj për të folur hapur për krimet e luftës e bënë atë një patriote, e jo një tradhtare”, thuhet në reagimin e diplomates kosovare, transmeton Indeksonline

Raportohet se Lëvizja “Zavetnici” gjatë ditës së sotme ka mbajtur një protestë para Shtëpisë së të Drejtave të Njeriut ndërsa nga Iniciativa Qytetare theksohet se bëhet fjalë për “Protestë kundër OJQ-ve”.

“Do ta ndjekim Natasha Kandiqin, Sonja Biserkon dhe OJQ-të anti-serbe nga hapësira afariste e qytetit. Çmimin Nobel për tradhti ndaj popullit serb e fitoi”, shkruan në këto postierë.

Ndryshe, Kandiq ishte e angazhuar fuqishëm për zbardhjen e krimeve serbe ndaj shqiptarëve në luftën e viteve 98-99. Kërcënime të tilla ajo kishte marrë edhe në të kaluarën nga radikalët dhe ultranacionalistët serbë. /Indeksonline/