Kryetari i Aleancës për Ardhmërinë e Kosovës, Ramush Haradianj ka folur pas takimit me Isa Mustafen dhe Fatmir Limajn.

Haradinaj ka deklaruar se nuk e kanë diskutuar postin e Presidentit, dhe se nuk ka treguar nëse PDK-ja, do ta votojë për President, pas takimit që ka zhvilluar gjatë së enjtes me Kadri Veselin e Hashim Thaçin, shkruan Arbresh.info.

“Takimi ishte për agjendë të përbashkët për ligjin e Rimëkëmbjes Ekonomike dhe për buxhetin. Kemi patur diskutime në vazhdimësi. Kësaj here ka të bëj me nevojën që të mobizliohemi me seancë të jashtëzakonshme për kalimin e ligjit për Rimëkëmbje dhe Ligjin për Buxhetin” ka thënë Haradinaj.

I pyetur nëse do ta ketë përkrahjen e PDK-së për president, Haradinaj ka thënë se ka komunikim të vazhdueshëm me Veselin.

“Kam qenë në komunikim të vazhdueshëm me PDK-në dhe kryetarin Veseli, por nuk kemi ende ndonjë rezultat të caktuar. Mendoj që Kosova gjithmonë ka qenë me drejtësinë dhe ligjin. Drejtësia e ka vërtetuar luftën e drejt të UÇK-së. Shpresojmë se nuk do të ketë konfirmim të aktakuzave. Duke besuar në drejtësi e ligj, ne do përkrahim gjithë qytetarët e Kosovës që mund të përballen me Gjykatën Speciale” ka thënë Haradinaj