Qytetarët kanë shprehur mendimet e tyre lidhur me bartjen e maskave pas vendimit të qeverisë për t’i bërë obligative.

Ata kanë bërë thirrje që çmimet e maskave të jenë njësoj në të gjitha barnatoret, shkruan portali arbresh.info.

“Është e domosdoshme, është e mirë për neve, por ne si popull nuk jemi të kujdesshëm. Disa barnatore i kanë nga 60 cent, disa 80 cent”, u shpreh një qytetare.

Rritja e numrit të rasteve me  Covid-19 në vend, ka bërë që gjithë qytetarët të drejtohen në masë drejt barnatoreve për të blerë maska mbrojtëse dhe dezinfektues.

Ndërkaq, ka një kohë të gjatë që qytetarët raportojnë se çmimi i maskave dhe dezinfektuesve nuk është i njëjtë në të gjitha barnatoret.

Përderisa çmimi i një maske në një barnatore është 0.50 cent, e njëjta maskë në një barnatore tjetër kushton 1 euro ose më shtrenjtë

Kryetari i Odës së Farmacistëve të Kosovës (OFK), Arianit Jakupi, për arbresh.info ka thënë se së bashku me Ministrinë e Shëndetësisë kanë aprovuar një udhëzim administrativ për stabilizimin e çmimeve, por komisioni që po merret me shqyrtimin e çmimeve, ka pezulluar punën e saj përkohësisht./arbresh.info/