Fitorja e Trumpit, Tahiri: Kanë nisur spekulimet për prekjen e kufijve, por ne themeluesit e Kosovës jemi gjallë

10:23 | 7 Nëntor 2024
E.H

Ish-kryenegociatorja e Kosovës për dialogun me Serbinë, Edita Tahiri ka thënë se me fitoren e Donald Trumpit në zgjedhjet presidenciale në SHBA kanë nisur spekulimet e ndryshme për prekjen e kufijve apo ndarjen e veriut.

Me anë të një postimi në Facebook, Tahiri u shpreh se themeluesit e shtetit të Kosovës janë gjallë dhe sipas saj, siç i kanë mposhtur herën e kaluar prap i mposhtin skenarët serbomadhe.

“Po e shoh se me ardhjen e Trumpit kane nisur spekulime të ndryshme për prekjen e kufijve apo ndarjen e veriut – ne themeluesit e shtetit te Kosoves jemi gjalle, populli trim i Kosoves eshte gjalle – i mposhtem heren e kaluar, prap i mposhtim keto skenare serbomëdha”, ka shkruar Tahiri./Arbresh.info