Kryetari i Komunës së Mitrovicës, Faton Peci ka dorëzuar detyrën e Ministrit të Bujqësisë, Pylltarisë dhe Zhvillimit Rural, që e mbajti për një mandat.

Këtë detyrë, Peci ia dorëzoi Imri Demelezit të cilit i ka uruar suksese dhe mbarësi, shkruan Arbresh.info.

Peci gjithashtu ka falënderuar kryeministrin në detyrë, Albin Kurti për mbështetjen dhe bashkëpunimin e poashtu edhe fermerët.

Postimi i plotë:

Të dashur qytetarë,

Sot e dorëzova detyrën e Ministrit të Bujqësisë, Pylltarisë dhe Zhvillimit Rural tek z. Imri Demelezi, të cilit i uroj suksese dhe mbarësi në përgjegjësitë që e presin.

Shpreh falënderim të veçantë për Kryeministrin e Republikës së Kosovës z.Albin Kurti për korrektësinë, mbështetjen dhe bashkëpunimin e shkëlqyer që kishim.

Një falënderim për fermerët, kabinetin, stafin e ministrisë, bashkëpunëtorët e jashtëm dhe të gjithë akterët e sektorit që kontribuan në secilën fazë të punës sonë të përbashkët.

Faleminderit!/Arbresh.info

LEXO EDHE:

Kurti ka emëruar Imri Demelezin, Ministër në detyrë në Ministrinë e Bujqësisë