Zëdhënësja e shtabit zgjedhor në LDK, Ardita Dushi në një konferencë për media tha se ende janë në pritje të numërimit të votave dhe se ky proces kërkon kohën e vet.

“Jemi në pritje të numërimit të votave dhe ky proces kërkon kohën e vet. Tashmë janë mbyllur të gjitha qendrat e votimit dhe tani jemi në pritje të numërimit të votave dhe ky proces kërkon kohën e vet. Pas përfundimit të numërimit të votave LDK do të dal para medieve dhe do të deklarohet. LDK falënderon të gjithë që u angazhuan, do të ju mbajmë të informuar tutje për të gjitha”, tha Dushi.

Ndryshe, janë bërë rreth 2 orë që kur të gjitha qendrat e vendvotimeve në Kosovë janë mbyllur. E pas pak pritet të dalin rezultat e para nga KQZ-ja.

Rezultati i exit pollit i bërë nga Gani Bobi, ka nxjerr Lëvizjen Vetëvendosje të parën me 53 për qind, PDK e dyta me 20 për qind, LDK me 17 për qind,  AAK me 7 për qind, ndërsa Nisma sipas këtij exit polli  ka marrë veç 2 për qind të votave, dhe nuk e kalon pragun./arbresh.info/