Në ambientet e Ministrisë së Zhvillimit Rajonal u mbajt ceremonia e dorëzim – pranimit të detyrës së Ministrit të Zhvillimit Rajonal, ndërmjet Enis Kervan i emëruar Ministër i Ministrisë së Zhvillimit Rajonal dhe Fatos Qerimi – Sekretar i Përgjithshëm i MZHR-së.

Me këtë rast, Qerimi e njoftoi Kervan me të gjitha sfidat e funksionalizimit të MZHR-së si Ministri e re, punën që është bërë gjatë mandatit që shkoi, si dhe të arriturat dhe sukseset e deritanishme.

Qerimi ia dorëzoj Kervan gjithë dokumentacionin që ndërlidhet me funksionimin dhe punën e Ministrisë, duke i uruar suksese në detyrën e re.

Ministri Kervan e përgëzoi Sekretarin e Përgjithshëm për angazhimin dhe të arriturat e deritashme në fushën e zhvillimit rajonal, duke potencuar se me gjithë stafin e Ministrisë do të jenë të përkushtuar që të punojnë në avancimin e mëtutjeshëm të Ministrisë dhe realizimin e mandatit të saj ligjor.