Presidenti i vendit Hashim Thaçi bashkë me Kryeministrin Avdullah Hoti, do ta përfaqësojnë Republikën e Kosovës në Shtëpinë e Bardhë në takimin e 27 qershorit të thirrur nga ambasadori Richard Grenell.

Arbresh.info merr vesh nga burimet brenda Aleancës për Ardhmërinë e Kosovës, se Selim Selimi ministri i Drejtësisë do të jetë përfaqësues nga kjo parti për dialogun Kosovë-Serbi.

“Nga AAK-ja, Selim Selimi është përfaqësues për dialogun Kosovë-Serbi kështu jemi dakorduar të gjithë brenda partisë”, ka thënë ky burim për Arbresh.info.

Selim Selimi ka gjasa që edhe të udhëtojë bashkë me Hotin e Thaçin në Shtëpinë e Bardhë.

Kryeministri Avdullah Hoti do të përfaqësojë Qeverinë e Kosovës në këtë proces por në ekip do të ketë edhe të dërguar nga partnerët e koalicionit qeverisës.

Ky është Selim Selimi

/Arbresh.info/