Prokuroria Speciale e Kosovës (PSRK) ka ngritur aktakuzë ndaj 12 pjesëtarëve të Policisë së Kosovës dhe dy zyrtarëve të Doganës.

Sipas prokurorisë, ata akuzohen se për veprën penale “Marrje ryshfeti”, raporton Arbresh.info

“Prokuroria Speciale e Republikës së Kosovës (PSRK), ka ngritur aktakuzë në Gjykatën Themelore në Prishtinë – Departamentin Special, kundër dymbëdhjetë (12) zyrtarëve policorë të Stacionit Policor për Mbikëqyrje të Kufirit ‘’Qafë Prush’’, dhe kundër dy (2) zyrtarëve doganorë, në kuadër të Drejtorisë Rajonale të Policisë Kufitare, për shkak të dyshimit të bazuar mirë se e kanë kryer veprën penale ‘’Marrja e ryshfetit’’ e sanksionuar me nenin 421 të Kodit Penal”, thuhet në njoftim.

Sipas PSRK-së, të akuzuarit dyshohet se kanë marrë ryshfet nga qytetarët e Shqipërisë për kalimin e pikës kufitare në “Qafë Prush” pa verifikim.

“Prokurori Speciale njofton se të akuzuarit në cilësinë e personave zyrtarë kanë marrë ryshfet nga qytetarët e Republikës së Shqipërisë dhe Republikës së Kosovës, me rastin e kalimit në pikat kufitare ‘’Qafë Prush’’, me ç ‘rast kanë lejuar hyrjen e personave në territorin e Kosovës, pa i verifikuar dhe pa i kontrolluar nëse i plotësojnë kushtet ligjore për hyrje dhe dalje nga territori i Republikës së Kosovës, sipas legjislacionit në fuqi./Arbresh.info/