Ministrja e Kulturës Rinisë dhe Sportit, Vlora Dumoshi ka treguar se ajo ka marrë nismën për të ndërtuar kullën e Komandantit Salih Çekaj.

Dumoshi gjatë vizitës në komunën e Deçanit, ka bërë homazhe para shtatores së komandantit, duke thënë se ai ishte një personalitet i jashtëzakonshëm, intelektual, njeri i pendës dhe i pushkës.

Postimi i plotë:

Sot, bëra homazhe para shtatores së Heroit Sali Çekaj.
Dëshiroj t’i informoj qytetarët e Deçanit dhe më gjerë, se kam marrë nismën për ndërtimin e kullës së Komandantit Sali Çekaj.
Sali Çekaj ishte personalitet i jashtëzakonshëm, intelektual, njeri i pendës dhe pushkës. Ai dha kontribut të jashtëzakonshëm për lirinë e vendit dhe u kthye nga mërgimi për të rënë heroikisht në fushën e nderit në Betejën e Koshares.

Personalitetet si Sali Çekaj, nuk harrohen kurrë dhe kanë zënë vend në historinë e re të Kosovës.

Çdo gurë i ndërtuar në Kullën e Sali Çekajt, është dëshmi e luftës për lirinë e Kosovës, ku gjeneratat e reja do të përkulën para jetës dhe veprës së tij.

Lavdi jetës dhe veprës së Heroit Sali Çekaj!