Drejtori i Përgjithshëm i Policisë së Shqipërisë takohet me Sveçlën, rithekson gatishmërinë për bashkëpunim të mëtejmë

16:53 | 12 Nëntor 2024
K.B

Ministri i Punëve të Brendshme Xhelal Sveçla i shoqëruar nga Drejtori i Përgjithshëm i Policisë së Kosovës Gazmend Hoxha dhe zëvëndësdrejtori Fehmi Hoti, priti sot në takim Drejtorin e ri të Policisë së Shqipërisë, Ilir Proda.

MBP me anë të një njoftimi për media bën të ditur se Proda duke falënderuar Sveçlën për pritjen ritheksoj gatishmërinë për bashkëpunim të mëtejmë të Policisë së Shqipërisë me Policinë e Kosovës.

“Ministri Sveçla e uroi Drejtorin z. Proda për detyrën e tij të re dhe ofroi mbështetjen e Ministrisë së Punëve të Brendshme dhe Policisë së Kosovës në realizimin e synimeve të përbashkëta që garantojnë sundim të rendit dhe ligjit si dhe siguri për vendet tona dhe më gjerë”, bën të ditur njoftimi nga kjo ministri./Arbresh.info/