Dogana gjen barna të kontrabanduara në tri barnatore në Prishtinë

18:23 | 31 Gusht 2023
E.G

Njësiti i Doganës së Kosovës, sot kanë kontrolluar në barnatore në Prishtinë me qëllim të verifikimit të mallrave të mundshme të kontrabanduara.

Sipas njoftimit, gjatë kontrollit, janë identifikuar tri lokacione ku u zbuluan mallra pa banderola, të fshehura në hapësira të ndryshme, përcjell Arbresh.info.

Mallrat e kontrabanduara janë konfiskuar ndërkaq proceset ligjore kundër personave të përfshirë në këtë veprimtari të paligjshme kanë filluar.

Malli i gjetur përbëhet prej më shumë se 350 lloje të ndryshme të medikameteve, bën të ditur Dogana.

“Procedurat ligjore do të vijohen për të hetuar dhe ndjekur penalisht personat e përfshirë në këtë veprimtari të paligjshme të kontrabandës së medikamenteve. “, thuhet në njofitmin e Doganës./Arbresh.info