Drejtori i Përgjithshëm i Doganës së Kosovës, Agron Llugaliu, po merr pjesë në takimin vjetor të Drejtorëve të Doganave të Rajonit të Evropës në Organizatën Botërore të Doganave.

Në njoftim thuhet se në fokus të diskutimeve janë zhvillimet strategjike, modernizimi i doganave (Plani i WCO-së), dhe Plani Strategjik 2025-2028, përcjell Arbresh.info.

Takimi shërben gjithashtu për të forcuar bashkëpunimin ndërkombëtar dhe shkëmbimin e praktikave më të mira.

“Gjatë këtij takimi, z. Llugaliu ka zhvilluar takime bilaterale me homologë nga vende të ndryshme, duke rënë dakord për vizita të ardhshme në Kosovë për të konkretizuar bashkëpunimin në fusha si digjitalizimi dhe lufta kundër kontrabandës. Pjesëmarrja jonë rikonfirmon angazhimin për një doganë moderne dhe të integruar në rrjetet ndërkombëtare të sigurisë dhe tregtisë”, thuhet në njoftim./Arbresh.info