Ismet Kryeziu nga Demokracia  ka treguar për mbarëvajtjen e procesit  zgjedhor  dhe rezultatet preliminare .

Ai në një konferencë për media tha se  Demokracia në Veprim po vazhdon të vëzhgoj procesin e numërimit të votave në të gjithë territorin e Kosovës, përveç në dy vendvotime në Deçan, ku vëzhguesit e DnV-së janë detyruar të largohen nga ato vendvotime, raporton “Arbresh.info.

Ai u bëri thirrje partive politike të mos bëjnë presion mbi komisionarët dhe vëzhguesit, në mënyrë që të ketë një proces të rregullt të numërimit të votave, në mënyrë që të garantohet legjitimitetit i votave.

Në Deçan  në dy vendvotime jemi detyruar të tërheqim vëzhguesit tanë, dhe policia po merret me procesin e numërimit. U bëjmë thirrje të gjitha partive politike të mos bëjnë presion në vëzhguesit e DnV-së”, tha Kryeziu.

Kryeziu tha se në bazë të  të gjeturave të DnV-së, do të jap rezultatet preliminare bazuar në 30 për qind të rezultateve në shtrirjen horizontale në gjithë Kosovën. Por, sipas tij, këto rezultate   nuk janë rezultate zyrtare, por  vetëm preliminare.

“Bazuar në  rezultatet preliminare në shtrirjen prej 30 për qind të vend votimeve në Kosovë janë këto  Koalicioni PAN, PDK-AAK dhe Nisma është 36. 9 për qind,  Koalicioni LDK -AKR-Alternativa është  26.2 për qind , Vetëvendosje 24. 7 për qind,  Lista Serbe 3.5 për qind dhe të tjerat  8.8 për qind “, u shpreh Kryeziu.

Sipas tij në këtë rezultat  nuk përfshihen votat me kusht dhe nga jashtë.

Ai u bëri thirrje partive politike të mos  thërrasin qytetarët për të festuar, por t’i presin rezultatet./Arbresh.info