Po vazhdon kërkimi i 29-vjeçarit G.K. nga fshati Biti e Komunës së Shtërpcës, i cili është zhdukur tri ditë më parë, nga Policia, zjarrfikësja, shërbimi i shpëtimit malor nga Shtërpca.

Shërbimi i Kërkim Shpëtimit nga Prishtina, Shërbimi i Kërkimit dhe Shpëtimit i Pyjeve të Kosovës, si dhe qytetarët e komunës së Shtërpcës, janë në kërkim të të riut për të tretën ditë, ndërsa nga dje ekipet e Forcave të Sigurisë së Kosovës (FSK) gjithashtu iu bashkuan operacionit.

Dyshohet se i riu është zhdukur në zonën kodrinore-malore pranë fshatit të tij kur ka shkuar për të mbledhur barëra medicinale. Sipas familjes, ai shpesh shkonte për të mbledhur barishte dhe atë mëngjes u largua vetëm rreth orës 8, raporton RTK2.

Drejtori i shërbimeve publike në komunën e Shtërpcës, Sinisha Buduriq, thotë për RTK2 se kërkimet janë duke vazhduar.

G.K. është të premten, rreth orës 08:00 ka shkuar mbi fshat dhe që atëherë ka humbur çdo gjurmë. Ai kishte veshur një xhaketë blu, pantallona blu, çizme të verdha, mbante një xhaketë të bardhë dhe një çadër.