Çdo vit më 12 maj shënohet Dita Ndërkombëtare e Infermierisë, një ditë dedikuar vlerësimit dhe nderimit të punës dhe angazhimit të infermierëve në mbarë botën.

Në kuadër të kësaj dite, Qendra Kryesore e Mjekësisë Familjare (QKMF) ka vlerësuar kontributin e çmuar të infermierëve të saj në shërbim të pacientëve.

Përmes një reagimi, QKMF shprehu falënderime dhe mirënjohje të thellë për profesionalizmin dhe përkushtimin e infermierëve, të cilët ofrojnë shërbime shëndetësore cilësore për pacientët dhe qytetarët e Kryeqytetit.

“Çdo vit më 12 maj shënohet Dita Ndërkombëtare e Infermierisë, për të shënuar kontributin e tyre të çmuar në shërbim të pacientëve. Kjo ditë festohet në përkujtim të ditëlindjes së Florence Nightingale, infermiere e cila konsiderohet si themeluese e shkencave moderne infermierore.
Sot në këtë Ditë Ndërkombëtare të Infermierisë nje falenderim i madh për të gjithë infermierët për profesionalizmin, përkushtimin , kujdesin dhe ofrimin e shërbimeve shëndetësore cilësore për pacientët dhe qytetarët e Kryeqytetit”, thuhet në njoftim./Arbresh.info