Çdo vitë me 4 shkurtë shënohet Dita Botërore kundër kancerit.

Lidhur me këtë, Instituti Kombëtar i Shëndetësisë Publike të Kosovës ka dal me disa rekomandime rreth kujdesit paliativ, përcjell Arbresh.info.

Sipas IKShPK-së, kujdesi paliativ duhet të aplikohet që nga momenti i diagnostifikimit dhe të jetë i disponueshëm gjatë gjithë udhëtimit të pacientit teksa shton se mungesa e qasjes në kujdesin paliativ shkakton vuajtje të panevojshme në shkallë të madhe.

Lexo edhe:

Sot shënohet Dita Botërore e Kancerit

“Kujdesi paliativ përqendrohet te personi, jo te sëmundja. Qëllimi është të sigurohet lehtësim sa më i mirë i simptomave të mundshme: fizike, psiqike dhe esencialisht të përmirësohet cilësia e jetës. Kujdesi paliativ duhet të jetë komponent thelbësore për sistemet shëndetësore për të arritur mbulimin shëndetësor universal”, thuhet në njoftimin për media.

“Në vendet me mbrojtje të dobët financiare dhe sociale, pacientët duhet të paguajnë vetë për barnat esenciale duke përfshirë morfinën ose opioidet të tjera. Por, shumë njerëz me kancer dhe kushte të tjera kërcënuese për jetën nuk mund t’a përballojnë këtë”, thonë nga IKShPK.

“Askush nuk duhet të vuajë nga dhimbjet që mund të lehtësohen”, thuhet në komunikatë./Arbresh.info